ԱՄՆ նախկին նախագահ Բարաք Օբամայի ավագ դստեր՝ 19-ամյա Մալիայի արտառոց պարը, որի ժամանակ աղջիկն ընկնում է հատակին ու ինքնամոռաց թավալ գալիս, համացանցի օգտատերերի շրջանում բուռն քննարկումների առիթ է դարձել:
Ինչպես նշում է The Daily Mail-ը, ուշագրավ կադրերն արվել են Չիկագոյում երաժշտական փառատոնի ժամանակ: Հայտնի է, որ նախկին նախագահի դստերն այսպես ոգևորել է The Killers խմբի ելույթը:
Պարբերականը մանրամասնում է, որ Մալիա Օբաման այնքան տարված է եղել իր պարով, որ նույնիսկ կորցրել է iPhone սմարթֆոնը:
Համերգից հետո աղջիկը գնացել է Apple Store խանութ, սակայն կորցրած հեռախոսի գաղտնաբառը չհիշելու և Apple ID չունենալու պատճառով, նրան չեն կարողացել օգնել:
