ԱԺ-ում եզդիական համայնքը ներկայացնող պատգամավոր Ռուստամ Մախմուդյանի հանար անընդունելի է, երբ մենք ցեղասպանություն եզրույթն օգտագործվում է պատեհ կամ անպատեհ առիթով: Այսօր լրագրողների հետ հանդիպմանը նա նշել է, որ ցեղասպանությունը բրենդ չէ:
«Իհարկե, ցավ է, կան զոհեր, բայց սա ցեղասպանություն չէ: Դեպքը տեղի է ունեցել բարեկամների միջև»,- ասել է նա՝ անդրադառնալով Շամիրամում տեղի ունեցած ողբերգությանը:
Նրա խոսքով՝ տեղի ունեցածը շատ զարհուրելի տեսարան էր, որը պատիվ չի բերում եզդի ժողովրդին:
«Ներքին խռովությունները միջանձնային հարաբերությունների հետ են կապված, բայց սա չի կարելի Ցեղասպանություն որակել: Նմանատիպ դեպք էլ մի քանի օր առաջ եղավ Սևանում»,- նկատել է նա:
Մախմուդյանը համոզված է, որ ՀՀ իրավապահ մարմինները ամեն ինչ բարձր մակարդակով կանեն:
Հիշեցնենք, որ օգոստոսի 1-ին Արագածոտնի մարզի Շամիրամ գյուղում գտնվող սգո սրահում կրակոցներ էին հնչել, ինչի հետևանքով զոհվել էր 4, վիրավորվել՝ 7 մարդ: