Victoria’s Secret-ի ռուսաստանցի մոդել Վիտա Սիդորկինան ամուսնացել է իտալացի միլիոնատեր Վալերիո Մորաբիտոյի հետ:
Elle-ի փոխանցմամբ՝ 23-ամյա մոդելն ու Morabito Projects շինարարական ընկերության 43-ամյա սեփականատերն ամուսնացել են իտալական Ռավելլոյում:
Հարսնացուի զգեստը կարել է լիբանանցի դիզայներ Զուհաիր Մուրադը:
Belmond Hotel Caruso հյուրանոցում կազմակերպված հանդիսության ժամանակ նորապսակներն իրենց առաջին պարը պարել են Քրիստինա Փերիի A Thousand Years երգի ներքո:
Նորապսակներին շնորհավորելու համար Իտալիա են մեկնել նրանց հարազատները, ինչպես նաեւ Սիդորկինայի ընկերուհիներն ու գործընկերները:
Հիշեցնենք, որ Վիտան եւ Վալերիոն իրենց նշանադրության մասին հայտարարել էին այս տարեսկզբին: Մամուլի տեղեկություններով՝ 2010 թվականին Մորաբիտոն կարճատեւ սիրավեպ է ունեցել Իրինա Շեյքի հետ, բայց այն ժամանակ Իրինան նախապատվությունը տվել է ֆուտբոլիստ Քրիշտիանու Ռոնալդուին:
