«ԱԺ ՀՀԿ խմբակցության պատգամավոր, Գեղարքունիքի նախկին մարզպետ Ռաֆիկ Գրիգորյանը երկու շաբաթից՝ օգոստոսի 10-ին, պատրաստվում է ամուսնացնել դստերը՝ Արմինեին:
Հարսանիքն առավել ուշագրավ է դարձել, քանի որ պատգամավորի փեսան լինելու է ՀՀ վաստակավոր արտիստ Ներսիկ Իսպիրյանի որդին՝ երգիչ Արաբո Իսպիրյանը:
Ի դեպ, ի տարբերություն շատ քաղաքական գործիչների զավակների և շոուբիզնեսյան աստղերի, որոնք մինչև ամուսնությունը իրենց սիրելիի մասին փորձում են հնարավորինս քիչ տեղեկատվություն տալ հանրությանը, մինչդեռ Արաբոն իր կյանքի կարևորագույն որոշման մասին հայտարարեց հենց սկզբից՝ իր համերգներից մեկի ժամանակ՝ հրապարակավ ամուսնության առաջարկ անելով Ռ. Գրիգորյանի դստերը:
Նշենք, որ «Իրավունքի» հետ զրույցում Ն. Իսպիրյանն ասել էր, որ երբեք չի հանդուրժի, եթե որդին որոշի կյանքի ուղեկից ընտրել օտարազգիի. «Անկարելի է, այդպիսի բան չի կարող լինել: Քանի ես կամ՝ գոնե այդպիսի բան չպետք է լինի, ինձնից հետո չգիտեմ ինչ կլինի»»,-գրում է թերթը:
Նյութն ամբողջությամբ կարդացեք թերթի այսօրվա համարում:
