Թուրինի «Յուվենտուսը» հայտնել է «Ֆիորենտինայի» հարձակվող Ֆեդերիկո Բերնարդեսկիի տեղափոխության մասին:
23-ամյա ֆուտբոլիստի տրանսֆերի համար Իտալիայի չեմպիոնը վճարել է 40 միլիոն եվրո,- հաղորդում է ակումբի պաշտոնական կայքը:
Բերնարդեսկին «Յուվենտուսի» հետ կնքել է 5 տարվա պայմանագիր:
Իտալիայի ավարտված առաջնությունում անցկացրած 32 խաղում նա խփել է 11 գնդակ և կատարել 4 արդյունավետ փոխանցում:
