Մադրիդի «Ռեալը» պաշտոնապես ներկայացրել է Իսպանիայի երիտասարդական հավաքականի կիսապաշտպան Դանի Սեբալյոսին:
Սեբալյոսն ընդգծել է, որ շատ ոգևորված է.
«Կցանկանայի շնորհակալություն հայտնել «Ռեալի» նախագահ Ֆլորենտինո Պերեսին` վստահության համար: Ոչ մի պատճառ չունեի «Ռեալին» բացասական պատասխան տալու համար, քանի որ մանկուց երազել եմ խաղալ այս ակումբում: Եկել, որպեսզի այս մարզաշապիկի համար ներդնեմ իմ ողջ ուժերը և ակումբի պատմությունն էլ ավելի փառահեղ դարձնեմ»,- Սեբալյոսի խոսքերն է փոխանցում «Արքայական ակումբի» պաշտոնական կայքը:
«Ռեալի» նախագահ Ֆլորենտինո Պերեսն իր հերթին ասել է.
«Հպարտ ենք, որ ցանկանում ես պաշտպանել մեր ակումբի գույները: Քո` «Ռեալ» տեղափոխության հարցում մեծ դեր խաղաց հենց դա»:
Նշենք ` մինչ այս Սեբալյոսը հանդես էր գալիս «Բետիսում»: Ավելի վաղ հաղորդվում էր, որ նա «Ռեալի» հետ 6-ամյա պայմանագիր կկնքի: Սեբալյոսը «Ռեալում» հանդես կգա 24 համարի մարզաշապիկոՎ։
