Գյումրիում և Հայաստանի այլ քաղաքներում երկրաշարժից 29 տարի անց շատերը շարունակում են ապրել մետաղյա ժամանակավոր կացարաններում, որոնք տեղի բնակիչները «դոմիկ» են անվանում: Այս մասին գրում է BBC-ն: Կայքը հրապարակել է ամերիկացի հայտնի լուսանկարիչ Օլիվեր Դոյլի լուսանկարները, ով վերջերս եղել է Հայաստանի մեծությամբ երկրորդ քաղաքում:
«Լուսանկարիչ Օլիվեր Դոյլը շրջել է Գյումրիում, զրուցել է գրեթե 29 տարվա վաղեմության աղետից ամբողջովին ուշքի չեկած քաղաքի բնակիչների հետ»,- գրում է BBC-ն:
Լուսանկարներում պատկերված են տնակների բնակիչները և նրանց կենցաղը: Այդ լուսանկարները պատմում են նաև քաղաքի բնակիչների ճակատագրի մասին 1988 թվականից հետո:
Լուսանկարչի խոսքով՝ Գյումրիում իրեն ամենից շատ ցնցել են ոչ թե կյանքի ծանր պայմանները, այլ դրա բնակիչների մեծահոգությունը և առատաձեռնությունը:
Բարությունը, որը զգացել է Գյումրիում, Դոյլը անվանել է լուռ երգ, որը շարունակում է հնչել՝ չնայած արտաքին անկարգությանը և երկրին վրա հասած դժվարություններին, -եզրափակում է BBC-ն:
