ՀՀ նախագահ Սերժ Սարգսյանն այսօր՝ հուլիսի 15-ին, Ազգային ժողովի ընդունած օրենք է ստորագրել։
Նախագահը, մասնավորապես, ստորագրել է Ազգային ժողովի ընդունած «Սեւանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» Հայաստանի Հանրապետության օրենքում լրացումներ կատարելու մասին ՀՀ օրենքը:
Հիշեցնենք, որ ԱԺ-ն ընդունել է Սեւանա լջից լրացուցիչ 100 մլն խմ ջուր բաց թողնելու մասին օրինագիծը: Ըստ այդմ, այս տարվա ընթացքում Սեւանա լճից ջրառը կհասնի 270 մլն խմ-ի: Որոշ բնապահպանների կարծիքով՝ դա սպառնում է լճի էկոհամակարգին։