Ամերիկյան Apple տեխնոլոգիական ընկերությունն աշնանը կներկայացնի iPhone 8 նոր սմարթֆոնը, որը, ըստ Luxury Launches կայքի, համացանցում արտահոսքերի առումով կարող է ռեկորդ սահմանել:
Աղբյուրը նկատում է, որ վիրտուալ տիրույթում պարբերաբար տեղեկություններ են հայտնվում մոդելի տեխնիկական բնութագրի, դիզայնի, ներկայացման ամսաթվի, ինչպես նաև գնի վերաբերյալ:
Luxury Launches-ի փոխանցմամբ՝ նոր iPhone-ի հավանական տարբերակի լուսանկարները տարածվել են համացանցում: Դրանց կից տեղեկությունում նշվում է, որ սարքը կլինի հեղափոխական ու էականորեն կտարբերվի նախորդ iPhone-ներից:
Այն կունենա պանելի ծայրից ծայր ձգվող էկրան՝ պատրաստված Olixar ընկերության կողմից:
Դատելով լուսանկարներից՝ հեռախոսը չի ունենա կառավարման հիմնական կոճակ ու փոխարենը՝ համալրված կլինի Touch ID հավելվածով, նորարարական 3D ֆոտոխցիկով, վիրտուալ իրականության զգացողությունն ապահովող հավելվածներով: