Դաղստանում ոստիկանների հետ փոխհրաձգության ընթացքում ոչնչացվել է երկու գրոհային: Այս մասին РИА Новости-ին հայտնել է Դաղստանի իրավապահ մարմինների աղբյուրը:
Նշվում է, որ զինված միջադեպը տեղի է ունեցել հունիսի 24-ի լույս 25-ի գիշերը՝ Խասավյուրտ քաղաքում:
«Ոստիկանության աշխատակիցներն ավտոմեքենա են կանգնեցրել փաստաթղթեր ստուգելու նպատակով: Փոխադրամիջոցի ներսում գտնվողները կրակ են բացել աշխատակիցների վրա և ոչնչացվել պատասխան կրակով», - պատմել է գործակալության զրուցակիցը:
Աղբյուրի խոսքով՝ սպանվածների ինքնությունը հաստատվել է. նրանք եղել են տեղական ավազակային խմբավորման անդամներ:
