Լոնդոնի Բենթալ Գրին արևելյան շրջանում հրդեհ է բռնկվել բնակելի շենքի բնակարաններից մեկում: Gazeta.ru-ի փոխանցմամբ` այս մասին հաղորդում է Մեծ Բրիանիայի մայրաքաղաքի հակահրդեհային ծառայության կայքը:
Գերատեսչության տվյալներով` դեպքի վայրում 10 հրշեջ հաշվարկ և ընդհանուր առմամբ 72 փրկարար է աշխատում:
Հրդեհի մասին զանգն ստացվել է տեղի ժամանակով 16:25-ին (երևանյան` 19:25): Նշվում է, որը կրակ բռնկվել է շենքի երրորդ հարկում, այրվել է նաև շենքի տանիքը:
Հրդեհի պատճառը դեռևրս հայտնի չէ: Մեկ տղամարդ հոսպիտալացվել է՝ շնչուղիների աշխատանքի դժվարացման պատճառով:
Լոնդոնյան տներում հրդեհի բռնկման դեպքերին առավել մեծ ուշադրություն է դարձվում հունիսի 14-ի խոշոր միջադեպից հետո, երբ Grenfell Tower բազմաբնակարանային համալիրում բռնկված հրդեհի հետևանքով 79 մարդ էր զոհվել: