Արաբական երկրները Կատարում իշխանափոխության չեն ձգտում։ Այս մասին լրագրողներին հայտարարել է ԱՄԷ-ի ԱԳՆ ղեկավար Անվար Գարգաշը՝ նշելով, որ ծոցի երկրները կխզեն Կատարի հետ բոլոր կապերը, եթե Դոհան չկատարի իրենց պահանջները: Այս մասին հաղորդում է AP-ն։
Նրա խոսքով՝ ԱՄԷ-ն ու իր դաշնակիցները՝ Սաուդյան Արաբիան, Եգիպտոսը և Բահրեյնը Կատարում իշխանափոխության չեն ձգտում. նրանք ձգտում են վարքագծի փոփոխության։
Նշենք, որ 10 երկրներ, այդ թվում՝ 7 արաբական, Կատարի հետ խզել են դիվանագիտական հարաբերությունները՝ նրան մեղադրելով ահաբեկչությանն աջակցելու մեջ։ Դոհան հերքում է բոլոր մեղադրանքները։