Հունիսի 24-ին՝ ժամը 08:30-ին, Մ-14 ավտոճանապարհի Վարդենիս-Շորժա հատվածի 25-րդ կմ-ին ՊՆ պետհամարանիշներով մեքենայի կողաշրջման հետևանքով տուժած 14 զինծառայող ուղևորներից որևէ մեկի կյանքի վտանգ չի սպառնում: Այս մասին տեղեկացնում է ՀՀ պաշտպանության նախարարի մամուլի խոսնակ Արծրուն Հովհաննիսյանը:
«Այսօրվա ավտովթարի հետ կապված՝ որևէ զինծառայողի կյանքին վտանգ չի սպառնում։ Այս պահին, բացի մեկ զինծառայողից, բոլորը գտնվում են Մուրացանի հոսպիտալում»,-գրել է նա իր ֆեյսբուքյան էջում։
Հիշեցնենք, որ այսօր տեղի ունեցած վթարի հետևանքով 14 պայմանագրային զինծառայողներ մարմնական վնասվածքներ էին ստացել:
