Երևանի ավագանու «Երկիր ծիրանի» խմբակցության անդամներ Հայկ Պետրոսյանը և Մնացական Պարակշիևը դուրս են գալիս խմբակցությունից: Այս մասին այսօր՝ հունիսի 23-ին, նրանք հայտարարել են լրագրողների հետ հանդիպմանը:
Պետրոսյանն ու Պարակշիևը շարունակելու են իրենց գործունեությունը ավագանիում՝ որպես անկախ անդամներ:
Հիշեցնենք, որ «Երկիր ծիրանի» խմբակցության ղեկավար Զարուհի Փոստանջյանը նրանց նկատմամբ անվստահություն էր հայտնել Երևանի քաղաքացու շահերին դավաճանելու համար և կոչ էր արել վայր դնել մանդատները:
Դրան հաջորդել էր Պետրոսյանի ու Պարակշիևի հայտարարությունը այն մասին, որ իրենք մանդատները վայր չեն դնի:
Պարակշիևի խոսքով՝ իրավական խնդիր չկա և «Ավագանու մասին» օրենքը թույլ է տալիս իրենց գործել որպես անկախ ավագանիներ:
