Հայաստանի ԱԳ նախարարի տեղակալ Արմեն Պապիկյանն ընդունել է Ինդոնեզիայի նորանշանակ դեսպան Յուդդի Կրիսնանդիին (նստավայրը՝ Կիեւ)՝ հավատարմագրերի պատճենը հանձնելու կապակցությամբ:
Հայաստանի ԱԳՆ-ից հայտնում են, որ նախարարի տեղակալը շնորհավորել է Կրիսնանդիին Հայաստանում արտակարգ եւ լիազոր դեսպան նշանակվելու առթիվ եւ հույս հայտնեց, որ դեսպանը կնպաստի երկկողմ հարաբերությունների զարգացմանը:
Հանդիպման ժամանակ քննարկվել են երկկողմ փոխգործակցությունը խորացնելու եւ ամրապնդելու ուղղությամբ կատարվելիք անհրաժեշտ քայլերը, որոնց շուրջ ձեռք բերվեցին մի շարք պայմանավորվածություններ:
Զրուցակիցներն անդրադարձել են միջազգային կազմակերպություններում երկու պետությունների համագործակցության հարցերին, մտքեր փոխանակել տարածաշրջանային խնդիրների շուրջ:
