ԱԺ ՀՀԿ խմբակցության պատգամավոր, ԴԱՀԿ նախկին պետ Միհրան Պողոսյանը հերքում է տեղեկություններն այն մասին, որ «Քեթրին գրուպ» ընկերությունն իրեն է պատկանում: Այս մասին, այսօր ԱԺ-ում լրագրողների հետ զրույցում ի պատասխան այն հարցի, թե ի վերջո ՊԵԿ-ը ստուգումներ արե՞լ է «Քեթրին գրուպում», Միհրան Պողոսյանն ասաց, թե հարցի հասցեատերը ինքը չէ:
«Քեթին գրուպն ունի տնօրեն, եւ նրանք հայտարարություն տարածել են»,- ասաց նա:
Նշենք, որ տեղեկությունների համաձայն «Քեթրին գրուպ» օրերս այցելել էր ՊԵԿ զինված խումբը եւ առգրավել տարբեր նյութեր, համակարգիչներ:
Ինչ վերաբերում է կառավարության գործունեության ծրագրին, ապա Պողոսյանը հայտարարեց, թե այն ընթեցրել է, իսկ հարցեր չունի, որովհետեւ խմբակցությունում քննարկումներ եղել են: