Սոչիում տեղի ունեցած վթարը երկու մարդու կյանք է խլել։ Այս մասին հաղորդում է ՌԴ Կրասնոդարի ԳՎ մամուլի ծառայությունը։
Վթարը տեղի է ունեցել հունիսի 20-ին, մոտ 3։30-ին։
Նախնական տվյալներով՝ «Մերսեդես» ավտոմեքենայի 28-ամյա վարորդը բախվել է «Ռենո» մակնիշի ավտոմեքենային, որի վարորդը Հայաստանի 42-ամյա քաղաքացին էր։
Վթարի հետեւանքով զոհվել են «Ռենո» մակնիշի ավտոմեքենայի վարորդն ու ուղեւորը, տուժել է «Մերսեդես»-ի ուղեւորը։ Նա ծանր վնասվածքներով հիվանդանոց է տեղափոխվել։
Ներկա պահին ոստիկանության աշխատակիցները պարզում են վթարի հանգամանքները։
