1$ = 0 AMD 1€ = 0 AMD

Արցախից Երևան է տեղափոխվել ևս մեկ վիրավոր զինծառայող. նրա կյանքին վտանգ է սպառնում

Այսօր՝ հունիսի 19-ին, Ստեփանակերտից Երեւան ՊՆ կենտրոնական կլինիկական զինվորական հոսպիտալ է տեղափոխվել հունիսի 17-ին Արցախում գլխի հրազենային թափանցող վիրավորում ստացած եւս մեկ զինծառայող՝1997 թ-ին ծնված, ժամկետային Յուրի Զաքարյանը: Այս մասին, այսօր՝ հունիսի 19-ին, զինվորական հոսպիտալում լրագրողների հետ հանդիպման ժամանակ նշել է ՊՆ կենտրոնական կլինիկական զինհոսպիտալի վերակենդանացման բաժանմունքի վարիչ Գայանե Հովհաննիսյանը:

«Վիճակը ծայրահեղ ծանր է, գիտակցությունը բացակայում է, արհեստական շնչառության ապարատին է միացված: Հեմոդինամիկան կայուն է: Երեւանում հետազոտությունից հետո այս պահին վիրահատության խնդիր չկա»,-ասաց նա՝ հավելելով, որ նրան Ստեփանակերտի հիվանդանոցում վիրահատել են՝ հետատոման են հեռացրել:

Գայանե Հովհաննիսյանը նշել է, որ նա ականապայթյունային վիրավորում է ստացել:

Ճշտող հարցին՝ արդյոք զինծառայողի կյանքին վտանգ է սպառնում, Գայանե Հովհաննիսյանը դրական պատասխան է տվել։

Գայանե Հովհաննիսյանը հիշեցրել է, որ եւս երկու վիրավոր զինծառայողներ Արցախից Երեւան էին տեղափոխվել հունիսի 17-ին: Նա մանրամասնել է, որ 2-ի վիճակը կայուն է, գտնվում են հսկողության ներքո:

«1997թ.-ին ծնված Արմեն Վարդանյանը ականի պայթյունից գլխի շրջանում է վիրավորում ստացել: Գիտակցությունը տեղն է, նա գիտակցություն է ունեցել նաեւ տեղափոխման օրը, ինքնուրույն շնչում է, կոնտակտի մեջ է մտնում: Այս պահին վիրահատության կարիք չկա։ Նույն օրը մեկ այլ զինծառայող՝ աչքի շրջանում վիրավորում ստացած, Մալայան կենտրոնում վիրահատության էր ենթարկվել»,-ընդգծել է նա:

Գայանե Հովհաննիսյանը նշեց, որ վիրավորներից երկուսի Ստեփանակերտում են վիրահատել, Երեւանում վիրահատելու կարիքը չի եղել՝ հավելելով, որ այլ վիրավորներ չկան:

loading...
Հունիսի 25-ի աստղագուշակ Հորոսկոպի 5 ամենալիրբ կանայք Երբ իմանաք, թե ինչու նա ձվի կեղևը դրեց ջեռոցո... Ինչ կարող է պատմել մատների երկարությունը մարդ... Կենդանակերպի նշանների ամենաուժեղ կողմերը 7 կարևոր նրբություն՝ ոտքերը սափրելու համար Ինչ կկատարվի օրգանիզմում, եթե 10 օր շաքարավազ... Մեքքայում ահաբեկչական փորձ է կանխվել Համեմի բուժիչ և օգտակար հատկությունների մասին ՊՍԺ-ն պատրաստ է պայքարել Բեյլի տրանսֆերի համա... Խորհուրդներ՝ դեզոդորանտը ճիշտ օգտագործելու հա... Վաշինգտոնում խաղաղ ցուցարարների վրա դաժան հար... Զինծառայողների ապահովագրության հիմնադրամին որ... Անհավանական ըմպելիք, որը կօգնի արագ և արդյուն... Երեխային լացացնելու համար աբովյանցի ամուսինը ... Ֆուտբոլիստներին իրենց արտաքինով չեմ գնահատում... Քասախ գյուղում իժ տեսակի օձ է հայտնաբերվել Ովքե՞ր կարող են 3 ամսում ռուսական անձնագիր ստ... Այշվարյա Ռայի գեղեցկության գաղտնիքները Ռոնալդուն Նոր Զելանդիայի հետ խաղում նոր ցուցա... Պամելա Անդերսոնը հանդիպում է ֆուտբոլիստ Ադիլ ... Հոգեբանական հորոսկոպ 100 միլիոն տարի հետո օրվա տևողությունը 25 ժամ... Լիկա Սալմանյանն ընտրյալի հետ նոր լուսանկար է ... Ոչինչ չանելու և ավելի արդյունավետ դառնալու 5 ...