«Երկիր Ծիրանի» խմբակցությունն այսօր՝ հունիսի 16-ին, առաջին անգամ մասնակցել է Երևանի ավագանու արտահերթ նիստին: Նիստն ընթացել է լարված մթնոլորտում:
Երևանի քաղաքապետի տեղակալների ընտրության հարցի քննարկման ողջ ընթացքում «Երկիր Ծիրանի» խմբակցության անդամները տարբեր հարցեր են հղել Տարոն Մարգարյանին և թեկնածուներին, ինչն ակնհայտորեն դուր չի եկել ավագանու ՀՀԿ-ական անդամներին:
«Երկիր Ծիրանի» խմբակցությունը բարձրացրել է նաև գրանցման համար նախատեսված կոճակների անսարք լինելու հարցը:
Խմբակցության անդամ Մարինա Խաչատրյանի հարցին, թե ինչո՞ւ չեն աշխատում այդ կոճակները, Տարոն Մարգարյանն արձագանքել է. «Որովհետև չեն աշխատում: Այդ աղջկա միկրոֆոնը պետք է անջատել»:
Տեղից արձագանքել է Զարուհի Փոստանջյանը. «Այստեղ աղջիկներ չկան, այստեղ բոլորը Երևանի ավագանու անդամներ են»: