Այսօր՝ հունիսի 16-ին, տեղի է ունեցել Երևան քաղաքի ավագանու արտահերթ նիuտը։ Ավագանու որոշմամբ՝ Երևանի քաղաքապետի առաջին տեղակալ է նշանակվել ՀՀԿ ավագանու անդամ Կամո Արեյանը:
«Կամո Արեյանի փորձը քաղաքի կառավարման մեջ մեծ է, առաջարկում եմ քաղաքապետի առաջին տեղակալ ընտրել Կամո Արեյանին», - ասել է քաղաքապետ Տարոն Մարգարյանը:
Որոշմանը դեմ են «Երկիր Ծիրանի» խմբակցության անդամները: Ըստ նրանց՝ Կամո Արեյանի կառավարման ժամանակ Երևանում պակասել էին կանաչ տարածքները:
Ավագանու իրավական հարցերով մշտական հանձնաժողովը քննարկել ու ուսումնասիրել է քաղաքապետի առաջին տեղակալ նշանակելու հարցը և դրական եզրակացություն է տվել՝ Կամո Արեյանին նշանակելու Երևանի քաղաքապետի առաջին տեղակալի պաշտոնում: