1$ = 0 AMD 1€ = 0 AMD

Ուժեղացված հսկողություն՝ «Զվարթնոցի» տարածքում (լուսանկարներ, տեսանյութ)

ՀՀ վարչապետի կողմից ՀՀ տրանսպորտի, կապի և տեղեկատվական տեխնոլոգիաների նախարարին տրված հանձնարարականի համաձայն՝ «Զվարթնոց» օդանավակայանում մեկշաբաթյա ժամկետում պրոֆիլակտիկ աշխատանքներ կկատարվեն տաքսի ծառայություններ մատուցողների կողմից լիցենզավորման մասին օրենսդրության խախտումները դադարեցնելու նպատակով:

Կքննարկվեն նաև Երևան-Զվարթնոց ուղղությամբ գործող երթուղիների արդիականացման հնարավորությունները։ ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը հունիսի 9-ին այցելեց «Զվարթնոց» օդանավակայան՝ պատասխանատուների հետ տեղում քննարկելու ստեղծված իրավիճակի լուծման ուղիներն ու հնարավորությունները։ «Զվարթնոց» օդանավակայանի տարածքում պայմանագրային հիմունքներով գործում է տաքսի ծառայություն՝ գեղեցիկ, մաքուր, հարմարավետ մեքենաներով։

Մեծ ցուցանակներին այդ մեքենաներով Երևան և հանրապետության մի շարք մարզեր հասնելու սակագներն են։ Նախարարն ընդգծեց, որ պետք է այլընտրանք լինի, մի քանի ընկերություններ աշխատեն և բոլորի համար հավասար պայմաններ լինեն։ Օդանավակայանի տնօրինության հետ նախարարը քննարկեց օրինական տաքսիների գործունեությունն ապահովելու, առաջիկա երկու օրերին մի քանի ընկերությունների հետ պայմանագրեր կնքելու հարցը՝ պարտադիր պայման համարելով մեքենաների որակը և վարորդների պատշաճ տեսքը։

Բացի այդ, օդանավակայանում ներկայում տաքսի ծառայություն մատուցող ընկերությանը հանձնարարվեց վերանայել սակագների գովազդային վահանակների քանակը, ապահովել քարտային վճարումների կարգը, ինչպես նաև վերանայել սակագները։ Նախարարն ընդգծեց, որ տաքսիներին զուգահեռ պետք է նաև Երևանից օդանավակայան և հակառակ ուղղությամբ ավտոբուսային փոխադրումներ կազմակերպվեն։

Նա նախարարության տրանսպորտի վարչությանը և լիցենզավորմանը գործակալությանը հանձնարարեց այդ ուղղությամբ կոնկրետ աշխատանքներ իրականացնել։ ՀՀ տրանսպորտի, կապի և տեղեկատվական տեխնոլոգիաների նախարարության ՀՀ տրանսպորտային տեսչության կողմից «Զվարթնոց» օդանավակայանում անօրինական տաքսի ծառայություն մատուցող մեքենաները հայտնաբերելու նպատակով առավել խստացված հսկողություն է իրականացվում։ «Հրազդան էքսպո» ընկերության տաքսի ծառայություն մատուցող մեքենայի վարորդը երկար փնտրտուքից հետո այդպես էլ լիցենզիայի կտրոնը չգտավ։

Տեսչության աշխատակիցները, արձանագրելով անօրինական տաքսի վարելու փաստը, իրենց բազային տվյալներով ճշտեցին, որ մեքենան նախկինում լիցենզավորված է եղել, սակայն պարտքը չմարելու պատճառով՝ այն կասեցվել է։ Իր մեքենային տաքսի «Ռուզան» անվանումը տված վարորդն էլ, պարզվում է ինքնագործունեությամբ է զբաղվում։ Ինքն իր ճաշակով ներկել, ձևավորել է իր մեքենան և ծառայություն է մատուցում։

Տաքսու տարբերանշանով հաջորդ մեքենայի վարորդը ոչ միայն տաքսի ծառայություն մատուցելու թույլտվություն, նույնիսկ վարորդական իրավունքի վկայական չուներ: ՀՀ տրանսպորտային տեսչության աշխատակիցները նախարարին տեղեկացրին, որ առավոտից արդեն 30-ից ավելի չլիցենզավորված տաքսիներ են հայտնաբերվել, կազմվել են արձանագրություններ։

Վահան Մարտիրոսյանը տեսչության պատասխանատուներին հանձնարարեց շուրջօրյա հսկողություն իրականացնել օդանավակայանի տարածքում։ Ոստիկանության ներկայացուցիչներն իրենց հերթին նշեցին, որ կաշխատեն ուժեղացված ռեժիմով, աշխատանքներ կտանեն առանց համապատասխան փաստաթղթերի տաքսի ծառայություն մատուցող վարորդներին հայտնաբերելու ուղղությամբ։

loading...
Լրահոս
Վիճաբանությունն ավարտվել է դանակահարությամբ Սրանով իշխանությունն իբր «մուռ» է հանում Հայկոյից Սա պատերազմող երկրի գիտության վիճա՞կ է․ Ն․ Փաշինյան Վարորդական իրավունքի վկայական են ծախել Ստամբուլ-Երևան չվերթով տեղափոխվեց Հայաստան Կառավարությունը մերժեց «Ելք»-ին Կրասնոդարի իրավապահների կողմից հետախուզվում էր բռնաբարության մեղադրանքով Ես ուզում եմ կամուրջ լինել Հայաստանի եւ Թուրքիայի միջեւ. Կարո Փայլան ՀՀ պաշտպանության նախարարն ընդունել է ԱՄՆ կոնգրեսականների պատվիրակությանը Սպասվում է անձրեւ եւ ամպրոպ «Հայաստանի ձայնը» ֆալշ է` կույր լսումները «կույր» չեն. անարդարություննե՞ր մեգահեռուստանախագծում Գարիկ Մարտիրոսյանն ու նրա կինը շնորհավորել են հայերին Սա պատերազմող երկրի գիտության վիճա՞կ է․ Ն․ Փաշինյան Կառավարության լավությունը Խոսրով Հարությունյանի որդու ընկերությանը Տավուշի մարզում 26-ամյա վարորդը վրաերթի է ենթարկել 13-ամյա երեխային, վերջինը հիվանդանոցում մահացել է Հարկային օրենսգրքում փոփոխություններ կկատարվեն Դիմեք լատինատառ հայերենի զարգացման հայեցակարգի մշակման գրասենյակ. Փաշինյան Կարապետյանի ակնկարը՝ 2018-ին ընդառաջ. նա տնտեսական համաժողով է կազմակերպում Կալանավորվել է երկու անձ` այդ թվում պետական հատուկ ծառայություն իրականացնող պաշտոնյան Վարչապետը հանձնարարեց ամփոփել հանձնարարականները Անկում՝ գյուղատնտեսության եւ շինարարության ոլորտներում. Կարապետյանի հանձնարարականը Ավետ Բարսեղյանին մնաց եպիսկոպոսի կոչումը ու վերջում՝ Ազգային հերոս... Ողբերգական դեպք Լոռու մարզում. 14-ամյա երեխան տրակտորի խցիկից ընկել և տեղում մահացել է Որոշ մեջբերումներ և մեկնաբանություններ կտրված էին կոնտեքստից․ Է․ Նալբանդյան Փաստորեն, ՀՀ ազգային հերոս է նաև Նիկոլայ Ռիժկովը