«Ժողովուրդ» օրաթերթը գրում է. «Դավիթ Հարությունյանի՝ ՀՀ արդարադատության նախարարի պաշտոնը ստանձնելուց հետո, ինչպես և ընդունված է, աշխատանքից ազատվել են նախկին նախարար Արփինե Հովհաննիսյանի օգնականներն ու խորհրդականները՝ 6 հոգի:
Կադրային այլ փոփոխություններ Դավիթ Հարությունյանը դեռևս չի իրականացրել, միայն իր օրոք կառավարության աշխատակազմի ղեկավար-նախարարի տեղակալի պաշտոնը զբաղեցնող Նունե Խաչատրյանն է նախարարություն տեղափոխվել: Վերջինս, հիշեցնենք, համարվում է Հարությունյանի հավատարիմ գործընկերը, նրա աջ ձեռքը: Նախկին նախարար Արփինե Հովհաննիսյանն էլ իր հետ Ազգային ժողով է տարել Գոհար Պողոսյանին, ով Արդարադատության նախարարության հանրային կապերի պատասխանատուն էր»։
Ամբողջությամբ կարող եք կարդալ «Ժողովուրդ» օրաթերթի այսօրվա համարում։