Կարելի է արդյոք կրծքով կերակրել երեխային, եթե մայրը բարձր ջերմություն ունի

Դժվար է պատկերցնել մայրիկի, ով երեխային կրծքով կերակրելու ընթացքում գոնե մեկ անգամ բարձր ջերմություն ունեցած չլինի։ Սակայն մայրերի մեջ տարածված սովորույթ կա, որ երբ նրանք ջերմություն են ունենում, դադարում են փոքրիկներին կրծքով կերակրել։Արդյոք դա ճի՞շտ է։
Եթե անգամ բարձր ջերմություն ունեք, երեխային կարելի է եւ պետք է կերակրել կրծքով։ Նույնիսկ եթե գրիպ եք, կաթնարտադրության ժամանակ մոր օրգանիզմը հասցնում է կաթը իմունոգլոբուլիններով հարստացնել, եւ հենց այդ գրիպի դեմ երեխայի մոտ իմունիտետ է առաջանում։ Ավելին, եթե ջերմություն ունեք, ավելի երկար ու հաճախ է պետք կերակրել փոքրիկներին։