1$ = 0 AMD 1€ = 0 AMD

Ի՞նչ է փոխվել Լեւոն Տեր- Պետրոսյանի կյանքում

Առաջին նախագահ Լեւոն Տեր- Պետրոսյանը կմտնի նախընտրական պայքարի մեջ: Այս մասին օրերս հայտարարեց ԱԺ ՀԱԿ խմբակցության ղեկավար Լեւոն Զուրաբյանը: «Լևոն Տեր-Պետրոսյանն ամբողջովին պատրաստ է մտնել նախընտրական պայքարի մեջ. նա է գլխավորելու ՀԱԿ ցուցակը»,- ասել էր Զուրաբյանը: Armday.am-ը ներկայացնում է Լեւոն Տեր- Պետրոսյանի ավելի վաղ քաղաքականությունից դուրս գալու պատճառները: Եվ այսպես 2015 թվականի դեկտեմբերի 25: Առաջին նախագահ Լեւոն Տեր- Պետրոսյանը հայտարարեց, որ չի պատրաստվում առաջադրել իր թեկնածությունը 2013 թվականին կայանալիք նախագահական ընտրություններում: Տեր- Պետրոսյանն այն պայմանավորել էր իր պատկառելի տարիքով:

«Ուրեմն ի՞նչ, Դուք չե՞ք առաջադրվելու», - «Չորրորդ ինքնիշխանության» լրագրողի այս հարցին Տեր-Պետրոսյանը պատասխանել է. - «Ո՛չ, քանի որ, ինչ կուզեք ասեք, 68 տարեկան մարդը նույն եռանդն ու աշխատունակությունը չի կարող ունենալ, ինչ 40-60 տարեկանը, որը, թերեւս, նախագահի պաշտոնին հավակնող քաղաքական գործիչների օպտիմալ տարիքն է։ Հետեւաբար, ասպարեզ պետք է իջնեն ինձնից ավելի երիտասարդները»։ Այս հայտարարությունից մեկ տարի անց խորհրդարանում ձեւավորվեց ոչ իշխանական ուժերից բաղկացած քառյակ: ԱԺ ՀՅԴ, ՀԱԿ, ԲՀԿ եւ Ժառանգություն խմբակցությունների ներկայացուցիչները գրեթե ամեն օր նիստ էին հրավիրում, խորհրդակցություններ իրականացնում, որոշում իշխանափոխության օր ու ժամ: Ավելի ուշ իրադարձությունները զարգացման այլ ընթացք ստացան: ՀՅԴ-ն լքեց ոչ իշխանական ուժերին, եւ քառյակը դարձավ եռյակ: Դրանից հետո հանդիպումներ ունեցան այդ ժամանակ ԲՀԿ առաջնորդ Գագիկ Ծառուկյանը, ՀԱԿ առաջնորդ Լեւոն Տեր- Պետրոսյանը եւ Ժառանգության ղեկավար Րաֆֆի Հովհաննիսյանը: Նրանք միասին նաեւ Ազատության հրապարակում մի շարք հանրահավաքներ իրականացրեցին, իսկ 2015 թվականի փետրվարին նախատեսված էր եռյակի հերթական հանրահավաքը, սակայն փետրվարի 12-ին ելույթով հանդես եկավ Սերժ Սարգսյանը, ով խիստ քննադատության ենթարկեց Գագիկ Ծառուկյանին: Սարգսյանի ելույթից հետո Ծառուկյանը լքեց քաղաքականությանը: Դրանից հետո ասպարեզից հեռացավ նաեւ ՀԱԿ առաջնորդ Լեւոն Տեր- Պետրոսյանը:

Անցնող երկու տարիների ընթացքում առաջին նախագահը գրեթե չէր խառնվում ներքաղաքական զարգացումներին, չհաշված, որ մերթընմերթ հարցազրույցներով եւ հայտարարություններով էր հանդես գալիս: Ապրիլյան քառօրյա պատերազմի ընթացքում տեղի ունեցավ նաեւ Սարգսյան- Տեր- Պետրոսյան հանդիպումը: Այսքանով ՀԱԿ առաջնորդի քաղաքական գործունեությունը ավարտվեց: Աստիճանաբար մարեց նաեւ Տեր- Պետրոսյանի՝ 2008 թվականի ընդդիմության լիդեր լինելու մասին բարձրաձայնումները: Հիմա ՀԱԿ առաջնորդը դարձյալ քաղաքականություն մուտք գործելու հայտ է ներկայացնում: Դժվար է ասել, թե ինչ է փոխվել առաջին նախագահի կյանքում, եւ կամ ինչով է պայմանավորված նրա հայտարարությունը:

Նշենք, որ Լեւոն Զուրաբյանի՝ Տեր- Պետրոսյանի՝ ակտիվ քաղաքականություն վերադառնալու մասին հայտարարությունն անելուց հետո սոցիալական ցանցերում բուռն քննարկումներ են սկսվել: Տեր- Պետրոսյանի կողմնակիցները ակտիվորեն ողջունում են առաջին նախագահի որոշումը, հնչում են նաեւ քննադատություններ, իսկ իշխանական թեւի ներկայացուցիչները դեռեւս չեզոք են:

Փայլակ Ֆահրադյան

loading...
Լրահոս
Էրդողանն ու Ալիևը միասին կփորձարկեն ԲԹԿ երկաթուղին Վլադիվոստոկում փլուզվել է կառուցվող առևտրի կենտրոնի հարկերից մեկը Աշուն և տաք շոկոլադ.ամենահամեղ բաղադրատոմսերը Ուշադիր եղեք ներկրված միրգ գնելիս. իմացեք, թե ինչ են նշանակում այս պիտակները Արցախում երեկ մահացած զինվորներից մեկը ինքնասպանություն է գործել Ընտրությունների ժամանակ Facebook-ը եղել է Քլինթոնի կողմից. Թրամփ Խնձորուտ համայնքի ղեկավարը հայտնվել է ամբաստանյալի աթոռին «Հայրեր և որդիներ» օպերացիան Ջերմուկում 20 ուշագրավ փաստ Հելոուինի մասին Ադրբեջանից նավթի արտահանման ծավալները նվազել են 20 տոկոսով Կազմվել է 2017 թվականի աշխարհի ամենաանվտանգ ավտոմեքենաների վարկանիշային աղյուսակը Ոստիկանությունը պարզել է անգղի ապօրինի որս կատարողի ինքնությունը Երևան-Սևան ավտոճանապարհին ավտոմեքենա է այրվել Ինչպես մեծացնել շրթունքները վայրկյանների ընթացքում Ադրբեջանցին Ռուսաստանում մեղադրվում է մեկ այլ ադրբեջանցու սպանության մեջ 2017-ի վերջին Հայաստանի արտաքին պարտքը կհասնի 6.7 միլիոն ԱՄՆ դոլարի ԱՄՆ-ի կոալիցիան հաստատել է Ռաքքայի ազատագրումն ԻՊ-ից Անչափ համեղ դեղձով թխվածք.բաղադրատոմս Anonymus-ի հաքերները կաթվածահար են արել Իսպանիայի Սահմանադրական դատարանի պաշտոնական կայքը Գրին քարտի խաղարկության կեղծ նամակներ են շրջանառվում Արտարժույթների փոխարժեքները հոկտեմբերի 22-ի դրությամբ Գոռ Մինասյանն էլ դարձավ Եվրոպայի չեմպիոն Apple-ը iPhone X-ի բյուջետային տարբերակ է մշակում Թբիլիսիի քաղաքապետի ընտրություններում առաջատար է «Վրացական երազանքի» թեկնածուն Մյունխենում անցորդների վրա հարձակված տղամարդը ձերբակալվել է