Բելառուսը պետք է փոխհատուցի ռուսական նավթի մատակարարումների կրճատումը՝ այլ երկրներից վառելիք գնելու հաշվին։ Ինչպես հաղորդում է «Բելտա» բելառուսական գործակալությունը, այս մասին հայտարարել է Բելառուսի նախագահ Ալեքսանդր Լուկաշենկոն։
«Աղետ չկա, սակայն Ռուսաստանի Դաշնության կողմից նավթի մատակարարումների կրճատումը պետք է փոխհատուցվի այլընտրանքային տարբերակներով»,-ասել է Լուկաշենկոն։
Բելառուսի նախագահը հիշեցրել է, որ այդ հարցերը բաձրացվել են դեռևս 2016թ․ վերջին, նույնիսկ իրագործվել են այլընտրանքային որոշ տարբերակներ։
Լուկաշենկոն փոխվարչապետ Վլադիմիր Սեմաշկոյին հրահանգել է զեկուցել՝ ինչ վիճակ է տիրում նավթագազային ոլորտում և ինչպես է կառավարությունը պատրաստվում ապահովել վառելիքի մատակարարումները։