Բաքուն Մոսկվայի հետ բանակցություններ է վարում նոր սպառազինությունների մատակարարումների մասին։ Այս մասին Դավոսում միջազգային տնտեսական ֆորումի շրջանում «ՌԻԱ Նովոստի»–ին ասել է Ադրբեջանի նախագահ Իլհամ Ալիեւը։
«Այո, մենք բանակցում ենք նոր գնումների հարցով։ Դուք ավելի լավ գիտեք, թե որքան զարգացած է ռուսական ռազմարդյունաբերությունը։ Մենք հիմնականում հետաքրքրվում ենք ժամանակակից պաշտպանական զենքով, նոր մշակումներով։ Դա վերաբերում է նաեւ ուղղաթիռներին եւ պաշտպանական համակարգին, ամբողջ համալիրը։ Դա մշտական գործընթաց է»,– ասել է նա։
Ալիեւի խոսքով՝ Ադրբեջանի եւ Ռուսաստանի միջեւ սպառազինության ոլորտում նոր պայմանագրերի հեռանկարները «լավն են»։
«Թվերը հայտարարվել են, ստորագրվել են 5 մլրդ դոլարի պայմանագրեր, որոնց մեծ մասն իրացվել է»,– նշել է Ալիեւը։
