ՀՀ տնտեսական զարգացման և ներդրումների նախարար Սուրեն Կարայանը հունվարի 18-ին հանդիպել է Ռուսաստանի Դաշնության տնտեսական զարգացման նախարարի տեղակալ Ալեքսեյ Գրուզդևի հետ: Նախարար Սուրեն Կարայանը ողջունել է նախարարի տեղակալին և նշել, որ հանդիպումը լավ առիթ է` քննարկելու թե՛ երկկողմ առևտրատնտեսական կապերը, թե՛ ՀՀ վարչապետի` ՌԴ առաջիկա այցի օրակարգային կետերը:
Ալեքսեյ Գրուզդևը շնորհակալություն է հայտնել նախարարին հանդիպման համար և ներկայացրել Երևանում կայացած Եվրասիական տնտեսական հանձնաժողովի առևտրի խորհրդակցական կոմիտեի առևտրային քաղաքականության ենթակոմիտեի աշխատանքների ուղղությունները և արդյունքները:
Նախարար Սուրեն Կարայանն անդրադարձել է տնտեսական զարգացմանն առնչվող մի շարք հարցերի` համատեղ ներդրումային հիմնադրամի ստեղծում, դրամական փոխանցումների գործընթացի բարելավում, գյուղատնտեսական տեխնիկայի ոլորտում սերտ համագործակցություն, արդյունաբերական կոոպերացիաների հիմնում, ներմուծման փոխարինում, արտահանման աճ: Կողմերն արձանագրել են, որ հնարավոր է էլ ավելի բարձր տեմպ հաղորդել ԵԱՏՄ ինտեգրացիոն գործընթացներին: Սուրեն Կարայանը կարևորել է նաև Իրանի հետ սահմանագծին հարող տարածքում ազատ տնտեսական գոտու հիմնումը ԵԱՏՄ-ի հետ փոխգործակցության համատեքստում:
Ինչպես տեղեկացնում են ՀՀ տնտեսական զարգացման և ներդրումների նախարարությունից, Սուրեն Կարայանը և Ալեքսեյ Գրուզդևը քննարկել են երկկողմ հետարքրություն ներկայացնող մի շարք այլ հարցեր ևս:
Սուրեն Կարայանը հանդիպել է ՌԴ տնտեսական զարգացման նախարարի տեղակալի հետ
Լրահոս
Ես իրատեսական եմ համարում Նիկոլ Փաշինյանի հեռացումը. Սերժ Սարգսյան (տեսանյութ)
23
Ապրիլ,
2024 20:03
Ոչ ոք չի կարող Հայոց ցեղասպանությունը կասկածի տակ առնել․ ՀՀ երրորդ նախագահ
23
Ապրիլ,
2024 19:59
«Ակցիան շարունակվում է, մարդիկ չեն հեռանում, անհոգ եղեք». Բագրատ Սրբազան
23
Ապրիլ,
2024 19:57
