Հունվարի 18-ին ՊԲ հարավային ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացած զինծառայող 1997թ. ծնված Անդրանիկ Մուսիկյանը 5 ամսից զորացրվելու էր:
Այս մասին Armday.am-ի հետ զրույցում ասաց Գեղարքունիքի Գեղհովիտ գյուղի գյուղապետ Վարդան Պողոսյանը:
«Անդրանիկը Ջեբրայիլում էր ծառայում: Արդեն մեկ տարի յոթ ամիս ծառայում էր»,-ասաց Պողոսյանը:
Գյուղապետի փոխանցմամբ՝ զոհված զինծառայողն ունի երկու ավագ եղբայր. «Ընտանիքը շատ խելացի, կարգին ժողովուրդ են՝ սուսիկ-փուսիկ, արտագնա աշխատանքով են ապրում»:
Ավելի վաղը ԼՂՀ ՊՆ մամուլի ծառայությունից հայտնել են, որ հունվարի 18-ին՝ ժամը 14:00-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել զինծառայող 1997թ. ծնված Անդրանիկ Սմբատի Մուսիկյանը:
