Կուբայում կործանված ինքնաթիռի բեկորները հայտնաբերվել են Լաս-Լոմաս-դե-Սան-Կրիստոբալի տարածքում: Այս մասին հայտնում է Ciber Cuba պորտալը՝ հղում անելով անձնակազմի անդամներից մեկի հարազատին:
«Այդ գոտին շատ բարդ է ցամաքային հասանելիության համար, և նախնական տեղեկության համաձայն՝ փրկվածներ չկան»,- ասել է աղբյուրը:
Ան-26 ինքնաթիռը կործանվել է Կանդելարիա համայնքի Լոմա-դե-լա-Պիմյենտա շրջանում, այն կարող է տեղավորել մինչև 39 մարդու, հայտնում է Ciber Cuba-ն՝ վկայակոչելով կուբայական Aerogaviota ավիաընկերության տվյալները, որին պատկանում է օդանավը:
Ավելի վաղ Կուբայի հեղափոխական զինված ուժերի նախարարությունը հայտնել է Aerogaviota ավիաընկերության Ան-26 ինքնաթիռի կործանման և օդանավում եղած 8 մարդու զոհվելու մասին: