Քաղաքացիական գործերով Անկարայի դատարանը անմեղ է ճանաչել քաղաքացուն, ով Թուրքիայի խորհրդարանի հայուհի պատգամավոր Սելին Դոհանին անվանել է «հայի վիժվածք»:
Ինչպես հայտնում է թուրքական Evrensel պարբերականը, դատարանը անմեղ է ճանաչել Դոհանին վիրավորած տղամարդուն: Համաձայն դատարանի` վիրավորանք ստանալուց 2 ամիս հետո Դոհանը Twitter-ում տհաճ գրություն է թողել երկրի կառավարության հասցերին: Հենց այդ պատճառով էլ դատարանը այդպիսի որոշում է ընդունել:
Այդ որոշման կապակցությամբ Դոհանը ասել է, որ այն բանից հետո, երբ ինքը պատգամավոր է դարձել, իր հասցերին բազմաթիվ վիրավորական արտահայտություններ է լսել:
«Դատարանի այդ արդարացումը ճանապարհ է բացում ատելության հողի վրա կատարվող հանցագործությունների համար»,- հայտարարել է նա: