Զարուհի Փոստանջյանը քարոզչությունը շարունակեց Արաբկիր և Աջափնյակ վարչական շրջաններում


Զարուհի Փոստանջյանը քարոզչությունը շարունակեց Արաբկիր և Աջափնյակ վարչական շրջաններում
Ապրիլ 28 19:43 2017

«Երկիր Ծիրանի» կուսակցության նախագահ եւ Երեւանի քաղաքապետի թեկնածու Զարուհի Փոստանջյանը, Ավագանու թեկնածուները եւ կուսակցության քարոզչական խմբերն այսօր կեսօրից իրենց նախընտրական քարոզարշավը միացյալ խմբով շարունակեցին Արաբկիր եւ Աջափնյակ վարչական շրջաններում:

Զարուհի Փոստանջյանն ու Ավագանու թեկնածուները քարոզչական խմբերի հետ շրջեցին փողոցներում ու բակերում, բաժանեցին հազարավոր բուկլետներ, բարձրախոսներով իրազեկեցին քաղաքացիներին կուսակցության նախընտրական ծրագրի դրույթների վերաբերյալ եւ այլն: Մարդկանց բացարձակ մեծամասնությունը մեծ սպասումներով ու դրական տրամադրվածությամբ էին ողջունում եւ փոփոխությունների հույս հայտնում, հատկապես առավել ջերմությամբ ողջունում էին Զարուհի Փոստանջյանին:

«Երկիր Ծիրանի» կուսակցության Երեւանի ավագանու թեկնածուներն այսօր զանգվածային լրատվության տարբեր միջոցներով հանդես են եկել ասուլիսներով եւ հարցազրույցներով:

«Երկիր Ծիրանի» կուսակցության նախագահ եւ Երեւանի քաղաքապետի թեկնածու Զարուհի Փոստանջյանի եւ Ավագանու թեկնածուների քարոզարշավը կշարունակվի վաղը:

«Երկիր Ծիրանի» կուսակցության լրատվական ծառայություն



loading...