Գյումրիում 102-րդ ռուսական ռազմաբազայի զինծառայողի սպանության գործի նախաքննությունը վարելու է Հայաստանի Ազգային անվտանգության ծառայությունը: Այս մասին հայտնում են ՀՀ գլխավոր դատախազության հանրային կապերի բաժնից:
Գլխավոր դատախազությունը պահանջել է Քննչական կոմիտեից քրեական գործը: ՀՀ գլխավոր դատախազի հանձնարարությամբ, քրեական գործի նախաքննությունը վարելու է Ազգային անվտանգության ծառայությունը:
Հիշեցնենք, որ 102-րդ ռուսական ռազմաբազայի զինծառայող 21-ամյա Դմիտրի Յալպաևին սպանելու մեջ մեղադրվում է Ստեձանավանի բնակիչ Արման Ջանջուղազյանը: Նրա նկատմամաբ խափանման միջոց է ընտրվել կալանավորումը:
ՀՀ Քննչական կոմիտեից տեղեկացրել էին, որ ձերբակալվածը հոգեկան առողջության հետ կապված որոշ խնդիրներ ունի:
Սպանության փաստով հարուցվել է քրեական գործ՝ 104-րդ հոդվածի 1-ին մասի հատկանիշներով։ Կատարվում է նախաքննություն՝ դեպքի մանրամասները պարզելու համար։
