Ֆրանսիայի նախագահ Ֆրանսուա Օլանդը պաշտպանել է Էմանուել Մակրոնի թեկնածությունը նախագահական ընտրություններում: Այդ մասին հայտնում է Reuters-ը:
Նախագահի խոսքերով՝ նա կքվեարկի էկոնոմիկայի նախկին նախարար Մակրոնի օգտին, քանզի վերջինս լավագույն թեկնածուն է, ով կարող է միավորել Ֆրանսիայի ժողովրդին:
Ինչպես նաև Օլանդը «Ֆրանսիայի համար ռիսկային» է համարել այն փաստը, որ «Ազգային ճակատ» կուսակցության առաջնորդ Մարին Լե Պենը անցել է նախագահական ընտրությունների երկրորդ փուլ:
