Գերմանիայի ֆինանսների նախկին նախարար Պեեր Շտայնբրյուկն անսպասելիորեն փոխել է զբաղմունքի բնույթը՝ դառնալով կատակերգու դերասան, փոխանցում է BBC-ի ռուսական ծառայությունը։
Նա միավորվել է պրոֆեսիոնալ կատակերգու Ֆլորիան Շրյոդերի հետ՝ Գերմանիայով մեկ կատակերգական շոուով հյուրախաղեր անցկացնելու համար։
Բեռլինում, Համբուրգում և Քյոլնում շոուի տոմսերն արդեն լիովին իրացվել են։
Քաղաքական գործիչ և պաշտոնյա եղած ժամանակ նա բազմիցս հանրության ուշադրության կենտրոնում է հայտնվել իր սրամիտ և հաճախ սադրիչ արարքներով ու հայտարարություններով։
