Ֆեյսբուքում տարածվել ու մեծ արձագանք են գտել երևանյան խանութներից մեկում նկարված «Ադրբեջանի արտադրանք» գրությամբ արկղերի մեջ խնձորների լուսանկարը և տեսանյութը: Օգտատերերի շրջանում դժգոհության ալիք է բարձրացել, նրանք նկատում են, թե ինչպես կարող է հայաստանյան շուկայում ադրբեջնական արտադրանք վաճառվել:
ՀՀ գյուղնախարարության սննդամթերքի անվտանգության պետական ծառայությունը խնդրից տեղյակ է:
«Երեկ շուկայում ուսումնասիրություններ են արվել, ամփոփելուց հետո արդյունքները կներկայացվեն»,-Armday.am-ի զրույցում ասաց ՍԱՊԾ մամուլի պատասխանատու Նվարդ Առաքելյանը:
Հիշեցնենք, որ վերջերս էլ Թուրքիայից Հայաստան էին ներկրվել «Karabax» գրությամբ լոլիկներ: Ավելի ուշ Պետական եկամուտների կոմիտեից տեղեկացրին, որ սահմանին կանխվել է «Karabax» մակնշմամբ արկղերով մոտ 50 կիլոգրամ լոլիկի և վարունգի ներկրումը հանրապետություն:
Լուսանկարն ու տեսանյութը՝ Հայկուհի Բարսեղյանի էջից: