Գագիկ Ծառուկյանը հայտարարել է քաղաքականություն վերադառնալու մասին:
«2017 թվականի խորհրդարանական ընտրությունները ճակատագրական են լինելու Հայաստանի ապագայի համար: Նկատի ունենալով մեր երկրի առջև ծառացած ներքին և արտաքին մարտահրավերները, ինչպես նաև իմ քաղաքականություն վերադառնալու հանրային պահանջը, ես հայտարարում եմ, որ բացում եմ քաղաքական գործունեության փակված էջը և մասնակցելու եմ 2017 թվականի խորհրդարանական ընտրություններին՝ ձևավորելով լայն դաշինք: Մեր դռները բաց են բոլոր այն քաղաքական ուժերի և գործիչների առաջ, ովքեր մտահոգ են մեր երկրի ապագայով»,-նշել է նա:
Armday.am-ը փորձել է կապ հաստատել փետրվարյան հայտնի իրադաձություններից հետո ԲՀԿ-ից դուրս եկած անդամների հետ պարզելու համար, թե ինչպես են վերաբերվում Ծառուկյանի վերադարձին և արդյոք կվերադառնան ԲՀԿ, թե ոչ:
«Ազիզ ջան, հլը, ես ոչ մի բան չեմ որոշել»,-մեզ հետ զրույցում ասաց ԱԺ պատգամավոր Կարո Կարապետյանը (Յուվեցի Կարո):
Հարցին, թե մասնակցելու է խորհրդարանական ընտրություններին, Կարապետյանը կրկնեց. «Չգիտեմ, հլը որոշումս չեմ կայացրել»:
Հարցին, թե ուրա՞խ է, որ Ծառուկյանը վերադառնում է քաղաքականություն, Կարապետյանն արձագանքեց. «Եթե ինքը ուրախ ա, իհարկե»:
