Հնդկաստանի արեւելքում առնվազն 26 մարդ է զոհվել, երբ Գանգես գետում շրջվել է ուղեւորներով լեփ-լեցուն նավակը: Պատահարը տեղի է ունեցել Բիհար նահանգի Փաթնա քաղաքից ոչ հեռու: Ոստիկանությունը հայտնել է, որ հաջողվել է փրկել 13 մարդու, փոխանցում է BBC-ն:
Նավակը տեղափոխում էր հինդուական բերքի տոնի՝ Մակարա-Սանկրանտիի մասնակիցներին:
Անհետ կորածների որոնումները շարունակվում են, սակայն ոչ մեկը չի կարողանում նշել ուղեւորների ճշգրիտ թիվը: Ըստ ամենային, մի քանի մարդ կարողացել է ափին հասնել լողալով:
Որոշ տեղեկություններով՝ նավակում առնվազն 40 ուղեւոր է եղել, որը շատ ավելին է, քան նավակի բեռնատարողությունն է: